Greba egiteari utzi diote kiroldegietako langileek, negoziaketa martxan jarri delako
Igande gauean erabaki zuen langileen asanbladak grebarekin ez jarraitzea. Hurrengo bi urtetan soldata igoera izatea adostu dute, eta galdutako KPI puntuak berreskuratzeko akordio bat sinatuko dute.
Atzo gauean kiroldegiko langileen asanbladak gaur arte iraun behar zuen greba bertan behera uztea erabaki zuen. Negoziatzen hasi direla jakinarazi dute, eta eskarietako baten adostasunera iritsi dira, 2023 eta 2024ean soldata igoerak izatera, hain zuzen.
Atzo lortutako hitzarmenean galdutako 13 KPI puntu guztiak bilduko dituen akordio bat sinatuko dela ere adostu dute BPXport, langileek eta ELAk. Hala eta guztiz ere, negoziatzen jarraituko dutela berretsi dute. “Sektore azpikontratatuaren patua hala da, antolatu, borrokatu eta negoziaketetan jarraitu”.
Artaleku eta Azken Portuko langileek hilaren 2an hasi zuten greba. Lehen egunean 39 langilek egin zuten greba eta gerora 43 izan ziren borrokara batutakoak. Manifestazio bat eta hainbat mobilizazio egin dituzte iragan egunetan langileek.
