Euskal Selekzioak eta zahartze aktiboa, mintzagai IDEIAlekun
Gorka Iturriaga Eusko Jaurlaritzako Jarduera Fisikoaren Kirolen zuzendaria Irunen izango da bihar, 19:00etan.
Irungo EAJk IDEIAlekuko hitzaldi sortarekin aurrera jarraitzen du. Bihar, asteartea, 19:00etan, Gorka Iturriaga Eusko Jaurlaritzako Jarduera Fisikoaren Kirolen zuzendaria Irunen izango da Xabier Iridoyrekin batera Euskal Selekzioen inguruan eta zahartze aktiboari buruz hitz egiteko.
Iturriagak Eusko Jaurlaritza gai horietan ematen ari den urratsak azalduko dituela zehaztu du Irungo alderdi jeltzaleak. Horrez gain, etorkizuneko erronkak eta erakundeak zein pertsonek hiriaren ongizatea nola hobetu dezaketen azalduko du gonbidatuak.
Jeltzaleek gogorarazi dute “hainbat proiektu” jarri dituztela martxan Irungo kirolaren inguruan, “egungo egoera hobetuko luketenak eta irundarrei zerbitzu hobea eskainiko lieketenak”.
