Psilocybenea Aretoan inauteri gaua ospatuko dute
Gaua girotzeko "Euskal Herriko eszenako bi altxor elkartu" dituzte: Mice eta Rüdiger taldeak. Kontzertuak 22:00etan hasiko dira.
Larunbat honetan inauteri gaua ospatuko dute Psilocybenea Aretoan. Ekitaldia sorpresaz beteta egongo da, mozorro lehiaketa eta sari banaketarekin.
Gaua girotzeko “Euskal Herriko eszenako bi altxor elkartu” dituzte: Mice eta Rüdiger taldeak. Pop rock psikodelikoa eta Rock Post-punk alternatiboa estiloak izango dira protagonistak. Kontzertuak 22:00etan hasiko dira. Dena den, 20:30etik DJ Izukarik pintxatuko du aretoa berotzen hasteko.
Sarrerak ohiko salmenta guneetan eskura daitezke: Hondarribian Ttopara kafetegian, Etxeberria tabernan, Basque tabernan eta Muaran. Irunen, berriz Bloody Mary Diskak dendan. Aurre salmentan 7 euroan, leihatilan 10 euroan. Online ere eros daitezke Musikazeren webgunean.
