Musika pintxada feminista egingo dute bihar Larreaundin
Inauterien aitzakia pean eta Larreaundi auzoa animatzeko asmoz, bozgorailuarekin arituko dira auzoko feministak.
![](https://bidasoa.hitza.eus/site/files/2023/02/pintxada-feminista.jpg)
Larreaundiko Auzo Elkarteak pintxada feminista antolatu du biharko. Eguzkitza ikastetxeko lorategietan elkartzeko deia egin dute, 19:00etatik 22:30etara. Bozgorailu mugikor batekin auzoan zehar ibiltzeko asmoa dute.
“Goazen pixkanala Amalur esnatzera, udaberria laster dator-eta!” diote antolatzaileek. Mozorroa soinean jantzita eramateko eskatu dute, eta elkarteak proposatutako abiapuntua barruko drag queer-a ateratzea izan da.