Bidegorri zati batzuk konpontzen ari da udala
Meaka, Dunboa eta Lapitzeko bidegorri zati batzuk konpontzen arituko dira bi hilabetez. 129.090,28 euroko aurrekontua erabiliko dute horretarako.
Hiriko hainbat bidegorri hobetzeko eta horien zoladurak berritzeko lanak hasi ditu udalak aste honetan. Lan hauek egiten ari dira 2022ko aurrekontu parte-hartzaileetan proposatu zelako.
Bi hilabeteko iraupena izango dute lan hauek, eta 129.090,28 euroko aurrekontua dute. Proiektua Asfaltalia SL enpresari esleitu zaio.
Hiru zatietan egin dute interbentzioa, “behar handiena duten puntuak berrikusi dira”. Zatietako bat Ibarlan dago, Borda Txikitik Meakako 92. sarbiderainoko tartean. Obrak egiteko bidea moztu behar izan dute oinezkoentzat eta txirrindularientzat.
Beste bi bidegorri zati berrituko dituzte: Ricardo Alberdi kaletik Antonio Valverde kalerantz doan bidegorria, eta horren jarraipena Artiako kanalaren ondotik, Juan Luis Seisdedos kalearekin gurutzatzen den punturaino, Palmera Monteron; Bestetik Alai Txoko parkeko bidegorria hautatu dut.
