Bihar, trafiko aldaketak Zanpantzarren desfileagatik
Zanpantzarren desfilea hiriko kaleetan zehar ibiliko da bihar. 18:50etik 19:30era, trafiko mozketak eta autobus zerbitzuetan aldaketak izango dira.
2017ko Zanpantzarrak. Inauterien programazioa hasi da jada Irunen, iragan asteburuan Kaldereroak eta Inude eta Artzainak hiriko kaleetan barrena ibili baitziren. Bihar Zanpantzarren txanda izango da, eta konpartsa 19:00etan irtengo da Alberto Angera plazatik. 19:30ak aldera bukatuko da Zabaltza plazan.
Zanpantzarren desfilea dela eta, bihar trafiko mozketak egongo dira 18:50etik 19:30era Hondarribia kalean, Gipuzkoa hiribidean eta Colon pasealekuan.
Konpartsa 19:00etan aterako da Alberto Angera plazatik gaita jotzaileekin, Irungo Musika Eskolako ikasleekin, Auntza Trikitixa Taldearekin, Txingudiko Dultzaineroekin eta Bidasoko Erraldoiekin batera. Oiartzun, Hondarribia, Zubiaurre eta Geltoki kaleetatik eta Colon pasealekutik desfilatu ondoren, Zabaltza plazan bukatuko dute ibilbidea, 19:30ean. Zabaltza plazan Erraldoien Baltsa dantzatuko dute Bidasoko Erraldoiek.
Aldaketak Irunbusen
Irunbus L1: Zaisa-Ospitalea:
- 18:30etik 19:30era, ospitaleko norakoan: Fermin Calbeton kaleraino ohiko ibilbidea; aldageltokian bira egin eta Nafarroa hiribidera jaitsiko da. GI-636 saihesbidetik joango da Mendeluko biribilguneraino, eta Letxunborro hiribidetik Ospitalera.
- 18:45etik 19:30era, Zaisako norakoan: Ohiko ibilbidea Aldabe mendiraino, ondoren autobusa Letxunborro hiribidetik behera jaitsiko da eta GI-636 saihesbidea hartuko du Osinbiribileko norakoan. Aldageltokira sartuko da eta, hortik aurrera, ohiko ibilbidea Behobiaraino.
Irunbus L2: San Juan-Katea-Txingudi:
-
18:40ean irtengo da Fermin Calbetonera doan azken busa, eta 19:20ak arte, gutxi gorabehera, Fermin Calbetoneko lineaburua Sindikalaren pareko bus-geltokira eramango da.
Irunbus L3: San Juan-Artia:
-
Ez da aldaketarik izango.
Irunbus L4: San Juan-Antzaran-Olaberria:
-
18:15ean irtengo da Fermin Calbetonera doan azken busa, eta 19:15ak arte, gutxi gorabehera, Fermin Calbetoneko lineaburua Elizatxo hiribideko 11.era aldatuko da (Olibondoen biribilgunea).
