Irungo Atsegiñak Kaldereroen Konpartsa osatzeko egin die dei herritarrei
Otsailaren 11n, larunbatean, egingo dute desfilea eta aste horretan bi entsegu antolatu dituzte, abestiak prestatzeko.
Argazkia: Irungo Atsegiña elkartea. Honezkero, Irungo Atsegiñak urtero antolatzen duen Kaldereroen Konpartsaren berri eman du: aurtengo desfilea otsailaren 11n, larunbata, egingo dute. Ohi bezala, Alberto Angera plazatik (San Miguel auzotik) abiatu eta San Juan plazaraino ariko dira Irungo kaleetan barrena, 19:00etatik aurrera.
Hortaz gain, elkarteak desfilean parte hartzera animatu nahi izan ditu herritarrak. Horretarako, pare bat hitzordu finkatu dituzte, entseguak egin eta abestiak errepasatzeko. Hala, otsailaren 7an (asteartean) eta 9an (ostegunean) elkartuko dira, arratsaldeko 19:30ean elkartearen egoitzan.
Zalantzak izan ezkero edo informazio gehiago nahi izatekotan, helbide elektronikoa jarri dute herritarren eskura.
