'Hobe ixilik' antzezlana estreinakoz Hondarribian
Ostiralean Itsas Etxea Auditoriumean aurkeztuko dute antzezlana. Itziar Ituño eta Ramon Agirre dira protagonistak.
Ostiral honetan izango da estreinakoz ‘Hobe ixilik’ Txalo produkzioak konpainiaren antzezlana Hondarribian. Iluntzeko 20:00etan Itxas Etxea Auditoriumean izango da.
Itziar Ituño eta Ramon Agirre dira protagonistak. Salomé Lelouch egilearen obra antzeztuko dute. Entseguetan Begoña Bilbao zuzendariaren esanetara izan dira biak ala biak.
Sinopsia
“Emakumea eta gizona. Gizona eta emakumea. Solasean, zirika, eztabaidan. Zertaz? Berdin dio. Eguneroko kontuak, gazta-tarta, patinetea, almorranak… edo gai potoloak, aldaketa klimatikoa, politika, Me Too… Baina esan, dena esan behar al da? Ixiltzea ez al da hobe batzutan?”
