Trafiko aldaketak bihar, Errege Magoak desfilatzeko
Letxunborro hiribidetik aterako dira bihar Meltxor, Gaspar eta Baltasar errege magoak, 18:00etan. Bitarte horretan errepidea itxita izango da autoentzat.
Bihar Errege Magoek desfilatu egingo dute Irungo kaleetan barna eta horregatik ibilgailuentzat itxita izango da errepidea pasatzen ari diren bitartean, 18:00etatik 20:00etara hain zuzen.
Eragina izango du Letxunborro hiribidean; Hondarribia karrikan; Colon ibilbidean; Gipuzkoa hiribidean; San Martzial karrikan eta San Juan plazako sarbideetan. Gainera, 7:45etik 18:20etara bitartean gutxi gorabehera, Renferen geltokiko sarrera itxiko da, eta, ordutik aurrera, Anaka kaletik bakarrik iritsi ahal izango da.
Autobus lineetan aldaketa nabarmenak izango dira, baina, dena den, horrelako trafiko murrizketak egoten direneko ohiko neurriak hartuko dituzte. L1 linea GI-636 errepidetik joango da, Osinbiribil geltokitik eta Aldabe Mendia kalekora, eta aldrebes; L2 linearen geltoki nagusia Elizatxo hiribidera aldatuko dute, eta L3arena Arbeseko biribilgunera.
