Artisauen merkatu txikia izango da Kolore Ganbaran igande honetan
Bitxiak, zianotipia edota tailerrean dauden zaharberritutako altzariak ikusteko eta erosteko aukera izango da. Goizean eta arratsaldean irekiko dituzte ateak.
Kolore Ganbara, altzariak zaharberritzeko tailerrak artisauen merkatu txikia antolatu du Peña kalean dagoen bere lokalean. Tailerra hankaz gora jarriko duela adierazi dute, honako ordutegi hauetan: 11:00etatik 14:30etara, eta 16:30etatik 19:30etara.
Denetarik ikusi eta erosteko aukera izango da, ilustrazioak, zianotipia, makramea edota bitxiak. Bertan honako artista hauek izango dira: Belitz, Alanas Cotton, Beatriz Faci, Iraitz Paintings, El taller de la Charo, Le Muguet Deco, Maxus Arte, Toto, Helebenet, Matrape Macrame eta Kolore Ganbara.
