Dibertsitate funtzionala dutenei eta LGTBIQ kolektibokoei Segurtasun Itunean arreta gehiago eskaintzea nahi dute.
Ertzaintzak gazte bat atxilotu du Hondarribian. Eusko Jaurlaritzako Segurtasun Saileko arduradunekin elkartu da Xabier Iridoy Irungo EAJko ordezkaria, Irunen “egoerari buruzko informazioa eta iritziak trukatzeko”.
Irailean udal alderdi guztiek sinatutako Segurtasun eta Bizikidetzarako Ituna eraman die eta azaldu dute ez zutela dokumentu horren berri.
Plan horretan gehitzeko proposamena egin dute jeltzaleek eta LGBTIQ+ eta dibertsitate funtzionala dutenak itunean gehitu eta arreta gehiago jartzea galdegin dute. Era berean, egoera zaurgarrian topa daitekeen adin txikiko, emakume eta adinekoei ere kasu gehiago egitea nahi dute.
Amaitzeko, EAJk pozik dagoela adierazi du aurrekontu parte hartzaileen bidez egindako segurtasuna eta Udaltzaingoaren trafikoa kudeatzeko eta kontrolatzeko eskaerari jaramon egiteagatik. Hala, 375.000 euro erabili dituzte 19 bideozaintza kamera erosteko.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
