Euskara nagusi, Oiasso Museoak osatutako egitarauan
Abenduaren 1etik 4ra, hitzaldi zikloa, euskaltegientzako material didaktikoaren aurkezpena edota bakarrizketa ezohiko bat dira proposamenak.
![](https://bidasoa.hitza.eus/site/files/2021/01/erh8io_wmaat-do.jpg)
Euskaraldia eta Euskararen Nazioarteko Eguna presente izango dira Oiasso Museoan, abenduaren 1etik 4ra. Gipuzkoako Foru Aldundiak lagundu die egitaraua osatzen.
Abenduak 1, osteguna:
- 19:00. Kontaiguzu dakizuna! hitzaldi zikloa. 20 minutu bakoitzak.
- Forau de la Tuta (Artieda) aztarnategi arkeologikoa izango du hizpide Juanma Aramendik.
- Arraunlarien mundua gai gisa jorratuko du Iñigo Osak.
Abenduak 2, ostirala:
- 12:00. Nik ere ezagutzen dut Oiasso Museoa egitasmoaren aurkezpena. Material didaktikoa prestatu dute euskaltegientzat, erromatar hiria ezagutzeko euskaraz praktikatuz.
Euskararen Eguna. Abenduak 3, larunbata:
- 18:00. Bakarrizketa. Jolastu nahi? Zertara jolasten zuten Oiassoko neska-mutilek duela 2.000 urte?. Nerea Arriolaren eskutik, Aizpea Goenagaren testuarekin.
- Jarraian, bakarrizketan jorratutakoari buruz solasaldia Adur Intxaurrandieta Historia doktorearekin.
Abenduak 4, igandea:
- 11:00. Bisita berezia eta doakoa Irugurutzetara, baina museotik abiatuko dira. Izena eman behar da 943 63 93 53 telefonora deituta.