Hondarribiko Emakumeen II. Xake Topaketa ospatu dute
Marlaxka xake klubak eta Emeki emakume taldeak lankidetzan antolatuta, astelehen arratsaldean giro paregabean egin zuten lehiaketa. 10 emakumek hartu zuten parte.
Astelehenean ospatu zuten Hondarribiko emakumeen II. Xake Topaketa, Hondarribiko Xake Marlaxka klubak eta Emeki emakume taldeak antolatuta. Antolatzaileek helburutzat jo zuten aisialdiko giro atsegina sortu eta talde desberdinetako emakumeei elkar ezagutzeko aukera eskaintzea.
Txapelketa jokalari bakoitzeko zazpi minutuko erritmoan jokatu zuten, eta lau txandako suitzar sistemako txostena izan zen erabili zutena. Guztira hamar emakumek parte hartu zuten lehiaketan, eta saridunak hurrenak izan ziren:
- Karina Lucaniuc.
- Christina Zelaia.
- Irati Uranga.
Marlaxkak eta Emekik azaroaren 25era, Emakumearenganako Indarkeriaren Aurkako Nazioarteko Egunera, begira antolatu zuten. Sailkapen orokorra eta sari banaketa nahiz lehiaketako argazki galeria Xake Marlaxkaren estekan daude ikusgai.
