[Galeria] Dei olinpikoa egin dute
Larunbat arratsaldean, Soroetako pilotalekuan, Hondarribiko Herri Olinpiadak girotzeko ekitaldia egin zuten.
Herri Olinpiadak iristera direla zabaltzeko, ekitaldia egin zuten larunbat arratsaldean Hondarribiko Gazte Asanbladako kideek. Euren asmoa aldarria kalera ateratzea zen, Portua auzora, baina eguraldi kaskarragatik aterpean hobe izan ziren gazteak. Soroetako pilotalekuan egin zuten jaialdia. Dei olinpikoa egin zuten, hau da, gazteei eta nahi duten guztiei Herri Olinpiadetan izena emateko eskatu zieten.
Kixkil taldearen erromeriak girotu zuen arratsaldea, baita Peña Poteo txarangak ere. Hasieran hotz, baina apurka girotzen joan ziren Soroetan bildutako olinpiaden zaleak.
Musikaz gozatzeaz gain, Hondarribiko Olinpiadetan parte hartzeko gonbita izan zen festa. Antolakuntzatik azaldu dutenez izen ematea irekita dago. Bestalde, talde bakoitzak bere gain hartu beharko dituen konpromisoak plazaratu dituzte dagoeneko. Horiek Hondarribiko Olinpiadak-en sare sozialetan irakur daitezke.
Jarraian, Soroetako giroaren hainbat argazki.
