Lanak Amaia KZn aurkeztu ahal izango dira abenduaren 26tik urtarrilaren 13ra, 70x50 zentimetroko formatu bertikalean.
Euskal inauteriak Irunen (2020) Irungo Udaleko Kultura arloak jakinarazi du 2023ko Inauterietako kartela aukeratzeko lehiaketa bat abiatu duela. Oinarriak onetsi dituzte dagoeneko. Kartel garaileak 600 euroko saria izango du, eta accesitak, berriz, 200 eurokoa. Kartelek 70×50 zentimetroko formatu bertikala izan beharko dute, eta neurri bereko panel baten gainean jarri beharko dira.
Kartelak honakoa testua azaldu beharko du: ‘IRUNGO INAUTERIAK 2023 CARNAVALES DE IRUN Otsailak 16-21 Febrero’.
Lanak Amaia Kultur Zentroan aurkeztu ahal izango dira abenduaren 26tik urtarrilaren 13ra. Informazio gehiagorako, udalaren webgunean kontsulta daitezke lehiaketaren oinarriak.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
