Manifestazioa deitu du M8 asanbladak, azaroaren 25erako
Hendaiako Herriko plazatik hasiko da mobilizazioa, eta Irungo epaitegietan bukatuko da.
![](https://bidasoa.hitza.eus/site/files/2022/05/m8-irun.jpg)
Justizia feminista aldarrikatzeko manifestazioa antolatu du M8 Asanblada feminista Bidasoak, indarkeria matxistaren kontrako egunerako (azaroak 25a da). Euskal Herriko Mugimendu Feministaren leloari atxiki dira.
Hendaiako Herriko plazatik abiatuko dira, 17:30ean; Hendaiako Administrazio Atxikipeneko Zentrora (Joliot Curie karrika) 18:00etan iritsiko dira; Santiago zubian 18:15etan egongo dira, eta amaiera Irungo epaitegietan izango da, 19:00etan.