Estimulazio kognitiboko tailerrak, Mendelun
Mendelu elkarteko lokal sozialean eskaintzen den tailerra da. Hemendik aurrera udalak kudeatuko du "proiektuak aurrera egin ahal izateko".
Gaur goizean Asun Gamindez, Marieta Vicente eta Gotzone Larrarte. Duela bizpahiru urte abiarazi zuen Mendelu elkarteak estimulazio kognitiboko tailerra. Mendeluko lokal sozialean ematen den jarduera da eta auzoko adinekoei zuzenduta dago. Marieta Vicente Gizaguneko teknikariak dinamizatzen ditu.
Eskaintzen hasi zirenetik arrakasta handia izan duen tailerra dela azaldu du harrotasunez Asun Gamindezek, Mendelu elkarteko idazkariak ,”iaz 34 lagunek parte hartu zuten, kopuru handia”. Asteartero 16:30etatik 18:00etara eskainiko daeta izen ematea ordu horretan egin ahal izango da Mendelu auzo elkartearen lokalean.
Programazioarekin jarraitu ahal izateko udalaren laguntza eskatu du elkarteak. Hortaz, hemendik aurrera, udalak kudeatuko du “proiektuak aurrera egin ahal izateko”. Gainera, Mendelu auzoan eskaintzeaz gain, herriko beste zenbait auzotara eramatea ere ikertuko dutela argitu du Gotzone Larrarte zinegotziak.
