Emery, Estadio La Ceramicatik Villa Park-era
Ingalaterrako ligan bigarren esperientzia hasiko du hondarribiarrak, aurretik Arsenal taldea entrenatu zuelako.
Espainiako Liga utzi, eta Ingalaterrako Premier Leaguera jauzia egin du beste behin Unai Emeryk (Hondarribia, 1971). Vila-real taldea utzi du, Birmingham hiriko Aston Villara joateko. Estadio Ceramicari agur esan dio, Villa Park estadioko aulkia bere egiteko. Ingalaterrako liga nagusian bigarren esperientzia izango du hondarribiarrak, 2018 eta 2020 artean Arsenal gidatu zuelako.
Hondarribiarrak sare sozialetan Vila-real taldearentzat esker on hitzak izan ditu. “Ez da nire taldea izan. Nire etxea izan da. Integratua, maitatua sentitu naiz, pasioa izan da Vila-real niretzat”, adierazi du. Egun, hamabosgarren da Premier Leaguen Aston Villa; espero ez zituzten emaitzengatik, aurreko entrenatzaile Steven Gerrard kargutik kendu dute.
Entrenatzaile bezala, bide oparokoa da Emery. Jarraian, gidatu dituen taldeen zerrenda:
- 2004-2006, Lorca.
- 2006-2008, Almeria.
- 2008-2012, Valentzia.
- 2012-2013 (ez zuen saioa bukatu), Moscuko Spartak.
- 2013-2016, Sevilla.
- 2016-2018, Paris Saint Germain.
- 2018-2020, Arsenal.
- 2020-2022 (ez du sasoia bukatu), Vila-real.
- 2022, Aston Villa.
