M8 Asanblada Feministak arbuiatu egin du asteleheneko erasoa
Terrorismo matxista sistematikoa dela azaldu dute, eta babesa eta elkartasuna adierazi diete biktimari.
Erabateko gaitzespena adierazi du M8 Asanblada Feministak astelehen honetan izandako eraso sexistaren gainean. “Emakumeok terrorismo matxista hau pairatzen jarraitzen dugu, behin eta berriz sistematikoki eraso egiten diguna”.
Babesa eta elkartasuna adierazi diote bizirik dirauen horri: “Gure maitasuna harentzat eta bere familiarentzat”. Nabarmendu nahi izan dute bakarrik ez sentitzea horrelako erasoen aurrean.
Elkarretaratzea egin berri dute San Juan plazan.
