Irun Aurrera bonuak, azaroaren 30era bitartean
Seigarren edizioa da jada martxan dagoena, eta oraingoz, eragin ekonomikoa 2.037.890 €-koa izan da.
Irun aurrera bonuen seigarren edizioa gaur jarri da martxan, azaroaren 30era bitartean. Kanpaina hau udalak sortu zuen COVID-19ak eragindako pandemia testuinguruan, ekonomia eta gizartea suspertzea asmo. Oraingoan, 1.050.000 euroko aurrekontua jarri du udalak.
Funtzionamendu bat dute bonuek; udalak 10 euro ordainduko ditu 30 euroko erosketa bakoitzeko. Ostalaritzaren kasuan ezberdina da eta kontsumoak 20 eurokoa izan behar du gutxienez eta udalak 10 euro jarriko ditu, berdin berdin.
NAN zenbakia eman beharko da establezimenduan bonuen sistema aplikatu ahal izateko. Erabilera aplikazio informatiko batek jasoko du eta horrela kontrolatuko dute hiritar bakoitzak, gehienez, 10 bonu erabili dituela. Gehieneko hori alda daiteke, bonu guztiak bukatzen baldin badira.
Edizio honetan 20.000 bonu aterako dituzte eta merkatariek doan parte hartzeko aukera dute. Zein ostatu edo saltokietan erabili ahalko diren jakiteko udalaren orrialdera jo beharko da.
Aurreko edizioen balantze ekonomikoa egin du udalak eta 2020ko udatik 85.000 bonu erabili dituzte 33.526 kontsumitzailek. Datu hauen arabera eragin ekonomikoa 2.037.890 €-koa izan da dagoeneko egin diren kanpainei esker.
