Zirkulazio aldaketak Zuberoa kaleko lanengatik
Obrak bi fasetan gauzatuko dira, eta hilabeteko iraupena izatea aurreikusten da. Lan horiek gaur hasi eta urriaren 20an bukatuko dira.
Zuberoa kalea. Txinzerrek Zuberoa kalean egingo dituen hornidura eta saneamendu azpiegiturak hobetzeko obrak direla eta, trafiko aldaketak eta mozketak egingo dira kale horretan eta ingurukoetan datozen egunetan.
Lanek bi fase izango dituzte. Lehen fasea gaur hasi (hilak 22) eta urriaren 6an bukatuko da. Trafikoa Policarpo Balzola kaletik bideratuko da, zirkulazio noranzkoa behin-behinean aldatuta. Zuberoa kale osoa moztuko da, Vicente Lafite eta Ignacio Zuloaga kaleen bidegurutzeen arteko zatian izan ezik.
Bigarren fasea, berriz, urriaren 6tik 20ra bitartean gauzatuko da. Trafikoa ohiko funtzionamenduan egongo da, obrak espaloian egingo baitira Zuberoa kaleko tartean. Hortaz, ibilgailuen trafikoan lanek ez dute eraginik sortuko.
Datozen egunetan gauzatuko diren lan horiek Irungo Udaleko Obra arloaren asfaltatze kanpainarekin koordinatuta daude, aurreikusita baitzegoen Zuberoan kalean jardutea.
