Behin-behineko espetxealdia luzatu diote Iratxe Sorzabali
Helegitea aurkeztu zuten preso irundarraren abokatuek eta eskaera aintzat ez hartzea erabaki du Espainiako Auzitegi Nazionalak.
Iratxe Sorzabalen epaiketa Espainiako Auzitegi Nazionalean. Joan den ostiralean Reautik (Frantzia) Espainiako Estremera (Madril) espetxera eraman zuten Iratxe Sorzabal preso irundarra. Espainiako Auzitegi Nazionalak 24 urte eta erdiko zigorra jarri zion otsailean, eta hori betetzeko herrialdez aldatzea baimendu du Frantziak, azken herrialde honetan ezarritako kondena amaitu eta gero.
Otsaileko epaiketaren sententzia atera zenean Sorzabalen abokatuek epaiaren aurkako helegitea jarri zuten, auzia ebatzi bitartean behin-behinean libre uzteko eskatuz. Gaur Auzitegi Nazionalak erabaki du eskaera aintzat ez hartzea eta Sorzabalen behin-behineko espetxealdia luzatzea BERRIAk argitara eman duenez.
Erlazionatutako edukiaIratxe Sorzabal Espainiaratu dute, Estremerako kartzelara[Erreportajea] Lehen hatsa hartuko du igandean ‘Bi arnas’ dokumentalak
