Jaialdia irailaren 17an izango da, 16:15ean hasita, Gipuzkoa plazan. Bi maila izango dira: nagusia eta 16 urtez azpikoa.
Hondarribiko xake ikasleak, Marlaxka Xake Taldeko harrobia Irailaren 17an, larunbata, Hondarribiko Jai Nagusietako V. Xake Jaialdia antolatu du Marlaxka Xake Klubak, eta antolatzaileek izena emateko epea ireki dutela jakinarazi dute. Pasa den igandean egin zen Hondarribia Gaztelua X. Xake Aktibo Txapelketa osatzera dator honakoa. Oraingoan, bi maila bereiziko dituzte: nagusia eta 16 urtez azpikoa. Era berean, azken hori hiru azpimailatan banatuko dute, parte-hartzaileen mailaren arabera. Maila bakoitzeko lehen sailkatuentzako garaikurra egongo da, eta guztiontzako merienda. Izen-emateak helbide honetara idatzita egin daitezke, irailaren 15eko 14:00ak arte. Bertan, izen-abizenak, jaiotze urtea eta eskola edo herria jarri beharko dira. Informazio gehiago nahi duenak Marlaxka Xake Klubaren webgunean topa dezake.
