Ikasturtea hasteko prest dago Gaztelekua
Irailaren 13an zabalduko da Martindozenea eta ate irekiak egingo dituzte irailaren 12an, 19:00etatik 20:30era.
Irailaren 13an hasiko du ikasturtea Gaztelekuak. Nerabeei eta gazteei zuzendutako programa bat jarriko da martxan urtero lez, eta espazioaren ordutegia astearte, asteazken eta ostegunetan 17:00etatik 20:00etara eta ostiral eta larunbatetan 17:00etatik 21:00etara izango da.
Oraingoan ere adinaren arabera bereizitako bi gune eskainiko dira, ostiral eta larunbatetan, Gaztelekuko bigarren solairua 15 eta 18 urte bitartekoentzat gordeko dute. Espazio hau irailaren 16an jarriko da martxan, eta ostiral eta larunbatero egongo da zabalik, 17:00etatik 21:00etara.
Ate irekiak egingo dituzte irailaren 12an, 19:00etatik 20:30era, Martindozeneako funtzionamendua edo langileak ezagutzeko xedearekin. Bertaratzeko izen ematea gomendatu dute, 943636826 telefonoetara deituta edo 690706471 zenbakira idatzita.
Horrez gain, irailaren 21ean hasiko den Tela akrobatikoen ikastaroan matrikula daiteke dagoeneko. Asteazkenero izango dira saioak ikasturte osoan zehar.
