Datozen egunotan salduko dituzte gazte bazkariko sarrerak
Irailaren 10ero antolatzen dute. Asteburuan jarri dituzte salmentak egiteko hitzorduak: bihar, etzi, eta etzidamu.
![](https://bidasoa.hitza.eus/site/files/2022/09/gazte-bazkaria-irailaren-10-hondarribi.jpg)
Aurten, urtero legez, irailaren 10ean ospatzen den Arrantzale Egunean gazte bazkaria egingo dute. Bidasoako EKTk antolatuko du, udalaren eta Betti Gottiren laguntzarekin.
Bazkarirako sarrerak datozen egunotan salduko dituzte: bihar, larunbata; etzi, igandea; eta etzidamu, astelehenean. Itsas Etxearen auditoriumean egingo dute salmenta, arratsaldeko 17:00etatik 19:00etara. 20 euroan salduko dituzte sarrerak, 18 urtetik gorakoei bakarrik.