Master Laboral Kutxa Udako torneoa, larunbatean
Txapelketak 5 jardunaldi ditu eta dagoeneko horietako hiru jokatu dituzte. Hurrengo topaketa, Hondarribian izango da larunbat honetan bertan.
Master Laboral Kutxa Udako torneoa. Argazkia: Emakume Master Cup Duela sei urte antolatu zuten aurrenekoz Emakume Master Cup eta esan daiteke, harrezkero garapen handia izan duela esku pilotak emakumeen kategorian.
Udan, Master Laboral Kutxa Udako torneoa antolatzen dute. Txapelketak 5 jardunaldi ditu eta dagoeneko horietako hiru jokatu dituzte, Haron, Lekeition eta Labastidan. Hurrengo topaketa, Hondarribian izango da, larunbat honetan bertan. Final handia hilaren 27an izango da Zumaian; ETBn ikusteko aukera egongo da gainera.
Guztira zortzi jokalarik parte hartzen dute udako lehiaketan, eta hauexek dira bikoteak:
- Amaia Aldai eta Andrea Capellan
- Olatz Arrizabalaga eta Uxue Oses
- Maddalen Etxegarai eta Enara Garminde
- Leire Garai eta Itxaso Erasun
Larunbatean, hilak 13, arratsaldeko 17:00etan emango diote hasiera norgehiagokari Jostaldi Pilotalekuan.
