Puiana eta Hendaia lotuta, Hegobusekin
Abuztuaren 28ra bitarte Hegobusen 31 linea Puianatik igaroko da, Hendaiako hondartzara arte.
Berreskuratu egingo du Hegobus autobus zerbitzuak Puiana Hendaiarekin lotzen duen 31 linea. Iazko udaran jarri zuten lotura berri hori eta Borja Olazabal Mugikortasuneko ordezkariaren hitzetan “oso aurrerapauso garrantzitsua da linearen ibilbidea luzatzea eta, horrela, Irungo mugaz gaindiko garraio publikoko sarea sendotzea”.
Zerbitzu hau abuztuaren 28ra arte egongo da martxan, eta ondoren, Fermin Calbetonen amaituko du ibilbidea. Txartelaren prezioa 1,20 eurokoa da. Hegobusek Lapurdi osoan zehar eskaintzen du zerbitzua eta lotura honetan ikus daitezke ordutegiak.
