'El enjambre' antzezlana, igandean
Euskal Herriko antzoki ezberdinetan ibili ondoren, igande honetan, Hondarribiko Itsas Etxea Auditoriumean izango dira.
El enjambre antzezlaneko antzezleak. El enjambre, 2018an estreinatutako antzezlana da. Umorea ardatz, mota guztietako sentimenduak azaleratzea lortzen duen obra da. Igandean gazteleraz aurkeztuko dute.
Antzezleak Sara Cozar, Vito Rogado, Naiara Arnedo, Getari Etxegarai, Aitziber Germendia/Iratxe G.Uriz eta Leire Ruiz/Dorleta Urretabizkaia dira, eta Mireia Gabilondok zuzendutako lana da.
Sinopsia
Landetxe batera iristen diren lagun talde baten historia kontatzen du antzezlanak. Haietako bati ezkon agurra egiteko bertaratzen dira. Aitorpenek, trapu zikinek, alkoholak eta drogak hankaz gora jarriko dute berez dibertigarria izan behar zuen asteburua.
Emanaldia igandean Itsas Etxea Auditoriumean 19:00etan izango da. Sarrerak 8 euroan eskuratu daitezke Auditoriumean bertan, edo kutxabank-en webgunean.
