Donostiako Aireportuak datu onak bildu ditu ekainean
2019arekin alderatuta bidaiarien %25,6ko hazkundea erregistratu dute aurtengo ekainean Hondarribiko Aireportuan.
![Hondarribiko Aireportua](https://bidasoa.hitza.eus/site/files/2017/03/Hondarribiko-Aireportuab.jpg)
Hondarribian kokaturik dagoen Donostiako Aireportuak datu onak bildu ditu aurtengo hilabeteetan. Aenatik zehaztu dutenez, lehenengo seihileko honetan 157.002 bidaiari pasa dira bertatik. 2019ko datuekin alderatuta %2,3 bidaiari gehiago heldu dira aireportura. Guztira, 2.333 hegaldi, aireratu eta lurreratu dira sei hilabete hauetan.
Bestalde, ekaineko datuei soilik erreparatuz, %25,6 bidaiariko hazkundea erregistratu dute, 39.000 bidaiari jaso eta 574 hegaldi izan ziren joan den hilabetean Aenaren arabera.