Asteburuko eraso matxistak salatu ditu M8 Asanblada Feministak
Lau eraso matxista salatu dituzte Euskal Herrian asteburuan. M8k "etengabeko terrorismo matxista" direla gaitzetsi du.
Emakumeen kontrako indarkeriaren aurkako elkarretaratzea, azaroaren 25ean. M8 Asanblada Feministak asteburuan Euskal Herrian izan diren eraso matxistak salatu ditu. Lau salaketa jarri dituzte, sexu eraso nahiz indarkeria matxistagatik. M8k horrelako gertaerak “behin eta berriro” gertatzen direla deitoratu du, eta “etengabeko terrorismo matxista hori gelditzeko neurri eraginkorrik hartu gabe”.
Bestalde, elkartasuna adierazi die emakume horiei guztiei, eta gizarteari eraso horiek salatzeko deia igorri dio, “ez, ezetz delako”.
