Azkaingaina eta Miazuri meatzeetaz gehiago jakiteko irteera, hilaren 16ean
Parte hartzeko izena eman behar da uztailaren 14a baino lehen. Jarduera pedagogikoa da eta naturaz gozatzea ere badu xede.
Irugurutzeta meatzeetara irteera egin zuteneko argazkia. Iraganeko Irun meatzaria ezagutzeko irteera bat antolatu dute uztailaren 16erako Lapurriturriko informazio guneak udaleko Garapen Iraunkorreko Arloarekin batera. Hitzordua 10:00etan finkatu dute Lapurriturriko informazio gunean eta bi ordu iraungo du.
Ekimena pedagogikoa da eta ingurune naturala gozatzea ere bada helburua. Harriaren eta bertako inguruen iraganean murgilduko dira Azkaingaina eta Miazuri eremuetan bertaratzen direnak eta hirian hain garrantzitsua izan den meatzaritzaz gehiago jakin ahal izango dute. “Erromatarren garaietatik XX. mendera arte minerala erauzi, garraiatu eta kaltzinatu egin da, eta jarduera horren hondarrak izango dira txango honetan bisitatuko dena”.
Plazak mugatuak dira eta aurrez izena eman behar da parte hartzeko 010 telefonora deituta edota udalaren orrialdean, uztailaren 14a baino lehen. Doakoa da jarduera eta eguraldiak baldintzatuko gauzatuko den ala ez.
