Hondarribiak 'Olatu solidarioak' kanpainarekin bat egin du
'Olatu solidarioak' jasangarritasuna eta elkartasuna sustatzeko Gipuzkoako Foru Aldundiaren sensibilizazio kanpaina da. Elikagaien Bankuarekin eta Emausekin lankidetzan.
Hondarribiko hondartzan hainbat jarduera egingo dira. Uda honetan, Hondarribiak Gipuzkoako Foru Aldundiaren ‘Olatu solidarioak’ kanpainarekin bat egin du. Zehazki, Gipuzkoako bederatzi hondartzetan aurrera eramango den sensibilizazio kanpaina da eta jasangarritasuna eta elkartasuna sustatzea du helburu, Elikagaien Bankuarekin eta Emausekin lankidetzan.
Duela hilabete, Zarautzen eman zioten hasiera egitasmo honi. Volkswagen furgoneta batean bederatzi hondartza zeharkatuko dituzte eta Hondarrikiko hondartza izango da horietako bat. Hondartza bakoitzean hainbat haur joko eta tailer egingo dituzte herritarrek zakarrontziak ondo erabili eta hondakinak behar bezala bereizi ditzaten laguntzeko. Hortaz gain, Elikagaien Bankurako elikagaiak bilduko dituzte laguntza sozioekonomikoa behar duten pertsonentzako. Batez ere, olioa, arrain kontserbak, arroza, pasta, dilista lehorrak edo haurrentzako pardelak behar dituztela oroitarazi du Elikagaien Bankuak.
