Aurtengo alardearen ondoren, Irunen "zerbait" aldatu dela iritzi dio Elkarrekin Podemosek
Aurrerapausotzat jo ditu alarde parekidearen harreran PP ezik udal talde guztietako ordezkariek parte hartzea, baita Berdintasun zinegotziak hiriko bandera ematea.
2022ko alardea. Miren Etxebeste Berdintasun zinegotzia hiriko banderarekin. Elkarrekin Podemos-IUk alardearen balantzea egin du: “Zerbait aldatu da Irunen”. Bi urteko etenaldiaren ondoren, “aurrerapausoak” emateko unea zela iritzi dio koalizioak, eta bi nabarmendu ditu. Batetik, PP ezik udal taldel guztietako ordezkariek harrera egin izana Alarde Parekideari, eta, bestetik, Miren Etxebeste Berdintasun ordezkariak hiriko bandera eman izanda emakume nahiz gizonek parte hartzea bermatzen duen alardeari, historian lehen aldiz.
Koalizioak gogorarazi du alardea igarotzerakoan ez zela polizia despliegerik izan: “Alarde berdinzalea igarotzerakoan, segurtasun-sentsazioa sentitu den lehen urtea da”.
Alarde Parekidearen harreran, udal talde guztiak ordezkatuta kritikatu du Jose Antonio Santano alkatea ez dela gai izan berdintasunaren alorrean aurrerapausoa emateko, eta entzugor egin diela “gizartearen zati handi baten eta Elkarrekin Podemos IUren eskaerei”.
Gertaera horiek, ordea, Irunen zerbaitek aldatzen jarraituko duela iragartzen dutela iritzi dio, eta Elkarrekin Podemos-IUk Alarde Parekidearen alde aurrerapausoak ematen jarraitzeko lanean jarraituko duela adierazi du. Horrez gain, Berdintasun arlotik Berdintasunerako V. Plana lantzen ari direla gogorarazi du, eta ekintza zehatzak bilduko direla bertan, 2023-27an islatuko direnak.
