Irungo Mugimendu Sozialistak txosna izango du jaietan
Kontseilu Sozialista Bidasoa, Gazte Koordinadora Sozialista, Itaia eta Ikasle Abertzaleakek osatzen duen Mugimendu Sozialistak txosna jarriko du.
![](https://bidasoa.hitza.eus/site/files/2022/06/txozna-iragarkia-copia.png)
Irungo jaiak laster hasiko dira, eta ohi moduan txosna gunea egongo da Urdanibia plazan. Zozketa egin zuen udalak zein erakunde edo taldek kudeatuko zituen jakiteko, eta atzo, Irungo Mugimendu Sozialistako antolakundeak jakinarazi zuen haiek ere bertan txokoa izango dutela, zozketa bidez hala erabakita.
Izan ere, txosna esleitzeko baldintzek diote bi urteko antzinatasuna duten eta Irunen erroldatuta dauden elkarteek bakarrik har dezaketela parte. Hori horrela, Irungo Gazte Ekologistako Elkarteari esleitutakoan egongo dira, mugimendu sozialistako zenbait militante talde horren kide direlako, eta azken hauek izango dira txosnaren beste aldean egongo direnak soilik.
Bada, txandak beteko dituzte Kontseilu Sozialista Bidasoa, Gazte Koordinadora Sozialista, Itaia eta Ikasle Abertzaleakeko kideek.