Emekik zenbait ekintza antolatu ditu ekainerako
Datozen egunotarako, emakume elkarteak tailer, hitzaldi, lasterketa, erakusketa baita bidaia kulturala ere antolatu ditu.
![](https://bidasoa.hitza.eus/site/files/2022/06/hondarribi-kalean-ehuntzeko-eguna.jpg)
Hondarribiko Emeki Emakume Elkarteak aisialdi eskaintza zabala antolatu du hil honetarako. Jarraian, datorren astean herritarrei eskainiko zaizkien ekintza desberdinak jaso ditugu:
- Ekainaren 11n, larunbata, goizeko 10:00etatik 13:00era elkartuko dira Martxoaren 8aren plazan, Kalean Ehuntzeko Munduko Egunaren harira tailerra egiteko. Parte hartzea irekia da.
- Ekainaren 13an, astelehena, Hondarribiko Emakumezkoen lasterketa ez-lehiakorra ospatuko dute. 18:30etan abiatuko da Emekiren egoitzatik (Molla ibilbidea 1). Antolatzaileek bost euroko botea proposatu dute, ostera afari-merienda antolatzeko. Izen-ematearen xehetasunetarako, Emekik esteka hau luzatu du.
- Ekainaren 13tik 30era, Elizondoko Arizkunenea Kultur Etxean, Hondarribiko Txokoak erakusketa Emakiren margo bildumaren eskutik. Egunero egongo dira ikusgai margolanak, eguerdian 12:00etatik 14:00etara, eta arratsaldean 17:00etatik 21:00etara.
- Ekainaren 16an, osteguna, Maggie Bullenek hitzaldia eskainiko du Kultur etxean, “Espacios simbólicos del empoderamiento” izenpean. Arratsaldeko 19:00etan hasiko da. Sarrera doakoa izango da.
- Ekainaren 19an, igandea, bidaia kulturala antolatuko du Emekik, eta Baztanen Amaiur, Elizondo eta Bertiz bisitatuko dituzte. Interesdunek mezua bidali beharko dute Emekiren helbide elektronikora, eta parte-hartzeko, gutxi gorabeherako prezioa 47 eurokoa izango da. Emekiren egoitzatik abiatuko da txangoa.