Xakearen baloreak partekatu dituzte nagusienek haien artean
Hendaiako Senioriales erresidentzian egon zen Marlaxkako nagusien ordezkaritza bat eta jasotako harrera oso ona nabarmendu dute.
Marlaxkako astelehenetako adinekoen taldeko ordezkaritza bat – emakumez osatutakoa– Hendaiako Senioriales erresidentzian izan ziren “xakearen praktikak transmititzen dituen balio positibo guztiak” partekatzen eta zabaltzen.
Xakea aitzakia izan dela dio klubak, etorkizunera begira bisita gehiago egingo dituztenez hasiera emateko modu bat izan dela azaldu dute, “jada prestatzen ari garen etorkizuneko bisitetarako ateak ireki dizkiguten aparteko bizilagun talde batekin arratsalde bikaina pasatzeko aukera” izan zela adierazi dute.
Eskerrak eman dituzte jasotako maitasunagatik eta beste bisita bat egingo dute aurreratu dute. “Zorionak gure neska nagusiei, beste behin ere erakutsi digute zein bikainak diren, xakearekin Bidasoaldeko emakumeekin eta adinekoekin zein inplikatuta dauden, zoragarriak zarete”.
