Ana Galdos, Julia Iruretagoiena ikerketa bekaren lehen bekaduna
Bekadunak 18.000 euro jasoko ditu eta Erdi Aro amaierako eta Aro Modernoaren hasierako emakumeen historia ikertuko ditu.
Julia Iruretagoiena bekaren aurkezpena. Irungo Berdintasun Arloak bi urtetik behin banatuko ditu Julia Iruretagoiena ikerketa bekak. Aurten, lehenengo edizioa izan da eta emakumeek Irungo historian zehar esparru ugaritan egin duten ekarpena nabarmentzea izango du helburu. Bekadunek 18.000 euro jasoko dituzte eta aurkeztutako proiektua garatzeko bi urte izango dituzte.
Gaur goizean, Irungo Udaletxean, Miren Etxebeste Berdintasuneko ordezkaria, Ana Galdosekin izan da, Julia Iruretagoiena bekaren lehen irabazlearekin. ‘XV. eta XVI. mendeetako emakumeen espazioak Irunen’ izenburua duen lana aurkeztu zuen Galdosek, Erdi Aro amaierako eta Aro Modernoaren hasierako emakumeen historia ikertzeko helburuarekin.
Aurkezpenean, Etxebestek, bekadunak aurkeztutako proiektuaren kalitatea nabarmendu nahi izan du, eta baita haren ibilbide profesionala ere. Galdos, EHUn Historian lizentziatua da eta horrez gain, Gizarte Zientzien eta Ondarearen Ikasketa Aurreratuetan Diplomatua da eta Kazetaritza eta komunikazio Digitaleko masterra du. Hogei urte daramatza ikerketa eta dibulgazio lanetan eta beraz “bermatuta dago kalitate handiko lana jasoko dugula” adierazi du ordezkariak.
