Erronka sozialei aurre egiteko irtenbideak diseinatuko dituzte gazteek
18-30 urteko gazteei zuzenduta dago, eta bi saio egingo dituzte hilaren 27an eta 28an, Palmera Monteron.
Innova-Gazte tailerraren kartela. Gazteartean egitasmoaren barruan, 18-30 urteko gazteei zuzendutako jarduera bat egingo dute: Innova+Gazte. Tailer horretan erronka sozialei aurre egiteko irtenbideak diseinatuko dituzte. Horretarako, sormena, parte-hartzea, pentsamendu kritikoa, talde-lana, lidergoa eta komunikazioa bezalako gaitasunak praktikan jarriko dituzte.
Bi saio egingo dituzte, hilaren 27an eta 28an, 16:00etatik 20:00etara eta 10:00etatik 14:00etara. Dagoeneko izena eman daiteke irun.org helbidean.
Garapen jasangarriko helburuak landuko dituzte, eta horretarako, dinamika eta metodologia berritzaileak erabiliko dituzte. Sortzen diren ideiak proiektu jasangarri bihurtzen ikasiko dute.
Santi Jimenez Gazteria zinegotziak ekimen berria dela nabarmendu du, eta gazteak berrikuntza prozesuaren erdigunean jartzen dituela, “planteatzen diren erronkei irtenbidea emango dieten protagonistak gazteak berak izanez”. Ekimenak herrian eragin positiboa sortzea du asmo, eta gazteak izatea gizarte eraldaketaren, hazkundearen eta berritasunaren sustatzaile.
Saioak Elena Arnaiz garapen profesionalean espezialista eta talentuan aditua den psikologoak eta Nagore Garcia Sanz komunikazioko aholkulariak gidatuko dituzte.
