Bakardadearen gaia jorratuko dute Buru Osasuna Zineforumaren barruan
Agifesen zikloaren barruan, Ryan Gosling protagonista duen 'Lars y una chica de verdad' filma eskainiko dute, bihar, Amaia KZn.
'Lars y una chica de verdad' filmeko fotograma bat. Agifes buru osasunaren alorrean aritzen den elkarteak antolatuta, Buru Osasunaren Zineforumaren barruko hirugarren filma eskainiko dute: Lars y una chica de verdad. Ryan Gosling protagonista duen film horretan, bakardadearen gaia jorratuko dute.
Lars gazte lotsatia da filmaren protagonista. Egun batean, bere ametsetako neska familiari aurkeztea erabakitzen du. Neska hori, ordea, Interneten erosi duen panpina bat da, baina berarekin benetako emakume bat izango balitz bezala erlazionatzen da.
Sarrera dohainik da, baina gonbidapena beharko da, zeina Irungo Turismo Bulegoan jaso ahal izango den aurretik. Amaia KZn eskainiko dute filma, 19:00etatik aurrera. Ondoren, solasaldia izango da.
Agifesen urtero bi ziklo egiten ditu, bata finkoa Donostian, eta beste ibiltaria, herriz herri. Aurretik, Eibar, Zarautz, Bergara eta Errenteria-Oreretan egin dute.
Zikloa bukatzeko, antzerkia
Buru Osasunaren Zineforumaren barruko laugarren eta azken lana hurrengo asteazkenean eskainiko dute ordu eta toki berean. Kasu horretan, antzezlan bat izango da: Que nadie camine por mi mente con los pies sucios.
Aurretik, Las horas eta El príncipe de las mareas filmak eskaini dituzte.
