Hamazazpi egunez jarraian egingo dute greba udal garbitzaileek
Gaur amaitu dituzte aurreikusita zituzten hiru greba egunak, eta ez denez negoziatzeko biderik ireki, maiatzaren 18tik ekainaren 3ra berriz geldituko dira.
ELAren Gipuzkoako garbitzaileen ordezkarien babesa jaso zuten atzo. Udal garbitzaileen hirugarren greba eguna izan da gaurkoa, eta negoziaketek blokeatuta jarraitu dutenez, maiatzaren 18tik ekainaren 3ra bitarte 17 eguneko greba egingo dute. Xabier Etxaniz ELAko ordezkariak esan du “harrituta” dagoela ISS multinazionalarekin, greba egun gehiago egingo zituztela jakin zuenean jarri zelako haiekin harremanetan.
Hurrengo astean udala eta enpresa arduraduna biltzekoak direla adierazi du ELAk, baina susmoa dute ea hitzarmena ez betetzea bakarrik izango duten hizketagai, “eta ez gure eskaera guztiak”. Langileek eta sindikatuak kontratuak ez betetzeari buruz ere negoziatu nahi dute, hasieratik egindako eskaera baita, hitzarmenarenarekin batera.
“Udalaren hitzarmena kobratu beharrean Gipuzkoakoa kobratzen ari dira. Susmoa dugu horren harira egingo dela baina ez abian jartzea nahi dugun negoziaketari buruz”. Eduki osoa mahai gainean jartzea eskatu dute.
