EBA Etxea urte osoan zabalduko dute
Gaueko tenperatura 8º edo gutxiago edo eguraldi txarra aurreikusten denean zabalduko da Etxegabetasuna Babesteko Aterpea.
EBA Etxearen logela bat. Udaleko Gizarte Ongizateko sailak hotzaren protokoloa aldatzea erabaki dutela aditzera eman du, izan ere “urte osoan irekita mantentzea beharrezkotzat jo dugu” azaldu du David Nuño ordezkariak. Zubia zentroa da zerbitzu honen kudeatzailea. Bertan, ohea, mantenua (afaria eta gosaria), higiene pertsonalerako zerbitzua eta beharrezko materiala eta arropa garbitzeko zerbitzua (garbiketa materiala barne) eskainiko dituzte.
EBA Etxeko zerbitzua, etxerik ez dutenei, etxebizitzetatik baztertuta geratu direnei, zaurgarritasun egoera berezian daudenei, adinekoei, osasun arazo larriak dituztenei, edo guraso edo tutore helduak laguntzen dituzten adingabe eta emakumeei eskaintzen zaie.
Halaber, udal gizarte zerbitzuen aurre inskripzio teknikoa egitea beharrezkoa da EBA Etxeko zerbitzua erabili aurretik. Salbuespenak badaude. Zenbait kasutan, zaurgabetasun egoera berezian dauden pertsonak, Zubia zentrora edo ostatuetara bideratzen dituztela azaldu dute.
Astean zehar 18:00etan zabaltzen da. Asteburu zein Jaiegunetan 16:00etan. Gauetan 21:00etan, goizeko 07:00ak arte (beti ere Euskalmet-ek dioenaren arabera). Zubia zentroak, 18:00etan iragarriko du gaueko zerbitzua martxan jarriko den ala ez eta erabiltzaileak sartzeko ordutegia 21:00etatik 22:00etara izango da.
