Katea auzoko historia jasotzen duen liburua argitaratu dute
Migeltxo Martiarenak idatzi eta Luis de Uranzu Kultur Taldea elkarteak Kultura arloarekin lankidetzan argitaratutako liburua da.
Katea auzoaren historia jasotzen duen liburuaren aurkepena.. Katea auzoaren historia, sortu zenetik gaur egunerarte, jasotzen duen liburua argitaratu du Luis de Uranzu Kultur Taldea elkarteak Kultura arloarekin lankidetzan. Aurkeztu berri duten liburua Migeltxo Martiarenak idatzitakoa da eta bi hizkuntzetan aurki daiteke. LUKT elkarteak, “lan sakona, zorrotza, zehatza eta luzea” bezala deskribatu du.
Bertan, “irakurleek auzoaren deskribapen grafiko bat aurkituko dute”. Deskribapen horretan, ibaien, erreken, iturrien, mendien eta zubien izenak agertuko dira, “dagozkien kokapen-mapa eta guzti”. Halaber, historian zehar auzoan izan diren baserritarrak, errotak, sagardotegiak, karobiak, harrobiak, bertako kaleen izenak eta baita biztanle-erroldak ere agertzen dira. Ohiturak, migrazioa, jaiak, Euskal jira, Aste kulturala, bilerak inauteriak eta sanmartzialak ere landu dituzte bertan.
Monica Martinez ordezkariak “erreferentzia liburu” bezala deskribatu du lana eta “zalantzarik gabe” herritarrentzat eta baita Kateari buruz beste lan batzuk egin nahi dituzten ikertzaileentzat “interes handia” izango duela ziurtatu du.
