San Martzial 2022 jaietarako kartel lehiaketa eta txosnen esleiketa abian
Txosnak jartzeko eskaria hilaren 29ra arte egin ahal izango da. Jaietako kartel lehiaketarako lanak berriz, hilaren 22ra arte aurkeztu ahal izango dira.
Txosnak ekainaren 17tik uztailaren 1era bitarte irekiko dira Urdanibia plazan. Urtero bezala, 2022ko San Martzialetan Urdanibia plazan txosnak ipintzeko postuak zozketa bidez esleituko dituzte. Dagoeneko zabalik dago eskariak egiteko epea eta hilaren 29ra arte aurkeztu ahal izango da. Postuak ekainaren 17tik uztailaren 1era bitarte irekiko dira eta bertan, edariak eta ogitartekoak soilik salduko dira.
Honako hauek eskatu ahal izango dute:
– Eusko Jaurlaritzan elkarte eta erakundeen erregistroan izena emanda duten eta egoitza Irunen duten kultura, kirol, aisialdi edo kiroleko erakunde eta elkarte guztiek.
– Irungo Lanbide Heziketako, Batxillergoko eta helduen eskolako ikasleek
Onartutakoen zerrenda maiatzaren 3an argitaratuko dute. Zozketa berriz maiatzaren 11ean egingo da eta eskatzaile bakoitzak ordezkari bat eraman behar izango du. Zozketa Irungo Udaleko Kultura eta Kirol arloaren bulegoan egingo da. Plegu eta baldintza guztiak HAZen edo udalaren web orrian aurkitu daitezke.
Bestalde, jaietarako kartelak hilaren 22ra bitartean aurkeztu ahal izango dira Amaia Kultur Zentroan. Urtero bezala lehenengo aukeraketa batzorde artistiko batek egingo du eta azken irabazlea herritarren bozka bidez erabakiko da.
