Txirrindulariak nonahi Itzulia hasi baino lehen
Itzulia hemendik ordu betera hasiko da hondartza inguruan, eta giroa nahiko lasai dagoen arren, txirrindulari ugari ikusi ahal dira herrian zehar. Ostalariek ere jendearen bisita probestu dute.
Gaur Euskal Herriko Itzulia hasiko da, eta Hondarribian hasi eta bukatuko da lehen etapa. Eguerdiko 14:00etan izango da hasiera hondartza inguruan, baina honezkero Alde Zaharretik eta Portutik ikus daitezke prestaketak.
Astelehena deskantsu eguna izan ohi da ostalarientzat, eta ohikoa ez den moduan, jatetxe eta taberna gehienak irekita daude ibilbidea pasako den inguruetan. Udalak adierazi zuen turismoarentzat garrantzitsua izango zela gaurko eguna eta esan daiteke horren aurrean ostalariek haien errutina aldatu dutela.
Giroa kalean nahiko lasaia da oraindik. Nahiz eta hainbat txirrindulari ibilbidea egiten dabiltzan lurra nolakoa den jakiteko eta ibilbideak zein alde dituen ezagutzeko eta horrek arreta deitu du herritarren artean. Eguerdi aldera jende andana gerturatzea espero dute.
Lasterketaren bukaeran HITZAk galeria osorik publikatuko du. Bitartean, goizeko giroa biltzen dutenak ikusgai daude.