[Bideoa] Uztailaren 2an Erlaitzen eta Xoldokogainan izango dira irundarrak
Gure Eskuren Pirinioetako Bidea egitasmo erraldoia aurkeztu dute hirian. Irundarrek bi gain horietan jarriko dute argia.
Ostegunean aurkeztu zuen Irungo Gure Eskuk Pirinioetako Bidea egitasmoa herritarren artean, Palmera-Monteron egindako ekitaldian. Uztailaren 2an egitekoa den iniziatiba kolektibo eta pare hartzailean Pirinioetako 300 tontor argiztatzea da helburua, Jaizkibeldik Kataluniako Mediterraneoko azkeneraino, Creuseraino. Euskal herritarrek 115 bat argiztatuko dituzte (Jaizkibeldik Benasqueraino), katalanek gainontzekoak. Bi herrien arteko indar erakustaldia izatea nahi baitute uztailaren 2koa, autodeterminazio eskubidea hemen eta nazioartean aldarrikatzeko.
Irundarrei, zehazki, Erlaitzeko eta Xoldokogainako gainetan argia ezartzea dagokie farol berezi eta linternak baliatuz, argi-lerroaren hasieran izango dira, beraz, Oarsoaldeko eta Bidasoko gainontzeko bizilagunekin batera. Gainera, egun horretan ekitaldia egin nahi du Irungo Gure Eskuk Santiagoko Bidegorriko Laietan. Eskualdeko bestelako herrietako kideak Larhun, Aiako Harria eta Jaizkibelen izango dira.
Pirinioetako Bidean parte hartzeko aurrez izena eman behar da. Hemen klik eginda joan daiteke izen emate fitxara.
