Larunbatean berrinauguratuko dute Lesaka kaleko haur txokoa
Eraikinaren kanpoaldean bi proiektu artistiko egin dituzte Cristina Juaniz eta Juncal Alfonsok. Larunbaterako jardunaldi bat antolatu dute, musika bidezko animazioa, kalejira eta buruhandiekin.
Lesaka kaleko haur txokoak itxura berria du, larunbatean (apirilak 2) berrinauguratuko dutela jakinarazi du udalak. Eraikinaren kanpoaldean bi proiektu artistiko egin dituzte, Cristina Juaniz eta Juncal Alfonsoren eskutik. “Ezaugarri surrealista samarreko animaliak, gure ingurukoak izan litezkeen landare asmatuen nahasketak, Patagoniako oihan bat…”, guzti horiek islatu dituztela aurreratu du udalak.
Larunbatean bi margolanak ikusteaz gainera, inaugurazioa biribiltzeko jardunaldi bat antolatu dute. 17:00etatik 19:00ak bitartean, musika bidezko animazioa, kalejira eta buruhandiak izango dira. Santi Jimenez ordezkariak “larunbat honetan haur txokora joatera” animatu ditu herritarrak.
