Kosta kaleko lanak hasi dituzte
Bizilagun eta udalaren artean adostasuna lortu ondoren, oinezko eta txirrindulariek lehentasuna izango duten kalea eraikitzen hasi dira.
Sei hilabete iraungo dituzte Kosta kaleko lanek. Martxoa hasieran aurkeztu zuen udalak Hondarribia Kalez kale proiektua. Plan horren xedea hiriko bost inguru berrurbanizatzea zela azaldu zuten, eta haiei buruzko xehetasunak eman zituzten.
Dagoeneko Donostia kalean lanak hasi dira, eta atzo Kosta kalekoei ekin zieten. Auzo horretara bideratutako aurrekontua 405.351,43 eurokoa da, eta sei hilabeteko iraupena izango dute eginkizunek.
Horretarako, auzotarrekin erabaki dute zer nolako kalea imajinatzen duten, eta ariketa horren balorazioa oso positiboa egin du Juan Luis Silanes Ingurumen eta Mugikortasun zinegotziak.
Bizilagunek hiru helburu argiren aldeko apustua egin dutela azaldu du Silanesek: “Oinezkoen lehentasuna, ibilgailuen zirkulazioaren bi noranzkoak, eta beti garraio publikoaren noranzko bikoitzari eustea”. Ideia horri eusteko, herritarren ohiturak aldatzea “lehentasunezkoa” dela adierazi du zinegotziak, baita Kosta kalea bizitegi erabilerako eta egonaldi erabilerako kale batera igarotzeko errepide moduan ulertzea ere.
Gonzalo Carrion Obra zinegotziaren arabera, berrurbanizazio horri esker oinezkoen eta txirrindularien segurtasuna sendotuko da. Izan ere, zirkulazio abiadura. gutxitzen duen galtzada estutuko dute, plataformako oibezkoentzako pasabidean jarriko dituzte, eta Berlines estiloko pasabideak jarriko dituzte ere. Horrez gain, espaloiak handiko dituzte, hiri altzari eta faroletako elementuak birkokatuko dituzte, eta argiztapena optimizatuko dute.
