'Zeramikaren espekulazioa' saioa, Raquel Asensirekin
Hala nola, iraganean emakumezko langile eta zeramikaren artean izandako harremana landuko dute tailer teoriko-praktiko horretan.
Raquel Asensiren obra bat. Hilaren 25ean Zeramikaren espekulazioa tailerra emango du Raquel Asensi artista zeramikariak udal zeramika tailerrean. Tailerraren helburua iraganean emakumezko langile eta zeramikaren artean izandako harremana ezagutaraztea izango da, batetik, eta, bestetik, berriz, gorputzarekin lotutako beste erabilera eta harreman batzuk imajinatzea; hasteko, marrazketa eta idazketaren bidez, eta, azken fasean, buztinezko forma inprobableak sortuz.
Pegarreko urak programaren barruan garatuko dute tailerra, eta hari jarraiki, zeramikaren bidez, bideoa eta eskultura uztartuko dituzte. Programak sorkuntza artistikoaren adierazpen guztiak sustatu nahi ditu, erreferentzia markoa Bidasoa eta bere eragin eremua aintzat hartuta. Era berean, artista gazteen proiektuak ezagutarazi nahi ditu.
Izena irun.org webgunean eman behar da.
