Giza korridore seguruak eskatu ditu Hondarribiko Udalak
Kezkatuta daude desagertutako migratzailearengatik, eta deitoratu egin dute drama hori.
Behobiako zubia itxi zuten atzo herritarrek. Hondarribiko Udalak “biziki” deitoratu du joan den larunbatean Bidasoa ibaian migratzaile bat desagertu izana. Giza korridore seguruak irekitzea eskatu dute, orain arte itota hil diren hiru migratzaileei gertatutako errepika ez dadin.
Era berean, gogora ekarri nahi izan dute Ukrainatik ihesi dabiltzanak, eta haatik bizi duten drama.
Azkenik, erakundeen arteko elkarlana defendatu dute, “inoiz baino garrantzitsuagoa da”. Zentzu horretan, udalak laguntzen jarraitzeko asmoa adierazi du, “pertsona ahulenen beharrei erantzuteko”.
