Musika eta Kontserbatorioko ikasleen domina festa Andoainen
Piano jaialditik dominaz josita itzuli dira ikasleak. Orotara, hamabi irabazi dituzte.
Poltsikoak dominaz beteta itzuli dira Irungo Musika Eskolako eta Kontserbatorioko ikasleak Andoaingo piano jaialditik. “Andoaingo Piano Jaialdia beti da arrakastatsua gure Kontserbatorioarentzat. Hamabi
domina horiek Irunen dugun maila erakutsi dute berriz ere, eta Kontserbatorioko instalazioetan egiten den lan handiaren emaitza da. Horrek are gehiago animatu behar gaitu ikasten jarraitzera eta musikaz gozatzera. Zorionak denoi!”, esan du Santi Jimenez udaleko ordezkariak.
Ondorengoak izan dira ikasle sarituak:
- A kategorian (11 urtera artekoak): Oihan Avila Paz, Eloy García Gimeno eta Lur Galtzakorta Ormazabalek urrezko domina bana eskuratu dute; Bujin Lkaghvajav, Mei Aguirre Merino, Ane Cabrerizo Arambarri eta Leire Martín Olavek zilarrezko bana.
- B kategoria (14 urtera artekoak): Ariane Puente Tuñónek urrezko domina ba irabazi du; Elena Blanco González, Alai Cabello Viña eta Urtzi Lekuona Basalok aldiz, zilarrezkoa eskuratu dute.
- C kategorian (18 urtera artekoak): Luka Newwll Paternainek urrezkoa irabazi du.
